Wiehnachten 2021

24. Dezember

—————————————————————————————————————————————–

23. Dezember

Mörgen Kinner sall ‚t wat geven

(Morgen Kinder, wird’s was geben
Plattdeutsch: E. Bontjer-Dobertin)

Mörgen, Kinner, sall ‚t wat geven:
Mörgen sünd wi seker blied.
Wat een Bliedskupp, wat een Leven
brengt uns disse Wiehnachtstied.
Eenmal worden wi noch wack.
Juppi, denn is Wiehnachtsdag.

Wie wird dann die Stube glänzen
von der großen Lichterzahl,
schöner als bei frohen Tänzen
ein geputzter Kronensaal.
Wisst ihr noch vom vor’gen Jahr,
wie’s am Weihnachtsabend war?

Unner d‘ Boom de fein Geschenken,
de dat Christkind brengen de?
Geern will’n wi noch daran denken,
wat he brengt, dat is up Stee.
Stimmt man gau een Liedje an,
blied is denn die Wiehnachtsmann.

Welch ein schöner Tag ist morgen,
viele Freuden hoffen wir!
Uns’re lieben Eltern sorgen
lange, lange schon dafür.
O gewiss, wer sie nicht ehrt,
ist der ganzen Lust nicht wert!

—————————————————————————————————————————————–

22. Dezember

Noch een Vörslag, wo uns Wilje Wichtel woll utsehn kunn. Ach, warum löppt he denn blot nachts döör de School – denn sünd wi ja all neet daar um hum to sehn.

—————————————————————————————————————————————–

21. Dezember

W iehnachtsmann
I es un Sneei
E ngelke
H illig Avend
N öten un Mandels
A dventstied
C hristkindje
H eerders
T roddelmütz
E sel, Oss un Schaap in de Stall
N u is ‚t bold so wiet: Wiehnachten steiht vöör de Döör!

—————————————————————————————————————————————–

20. Dezember

Weten ji noch – Deel 3

Vandag weer dat düchtig kolt. De Schieven van de Autos weren dicht froren.
Is also nu „Winter“? Wennehr fangt egentlik de Winter an?
De Meteorologen – also de Lüü, de sük mit dat Weer utkennen un to’n Bispill in ‚t Vöörn all seggen können, wo dat Weer mörgen word – seggen, dat de Winter an de 1. Dezember anfangt. Aber wenn wi in uns Kalenner kieken, denn steiht „Winteranfang“ eerst bi de 21. Dezember. Dat is de Daag van de „Wintersonnenwende“. Disse Daag is de körteste Daag in ‚t Jahr.
Mörgen fangt also de Winter an. Aber of dat denn ook Sneei gifft, dat steiht neet in de Kalenner un de Meteorologen melden vöör mörgen +4° …dat sall denn mörgen woll noch nix worden mit de Sneeikeerls.

—————————————————————————————————————————————–

19. Dezember

De 4. Advent
Advent, Advent, een Lüchtje brannt.
Eerst een,
denn twee,
denn dree,
denn veer.
Bold steiht dat Christkind vör dien Döör.

—————————————————————————————————————————————–

17. Dezember

Anfang va d‘ Week hebben wi över dat Backen van Kookjes nadacht un faststellt, dat wi dat doch düchtig vermissen.
De Klasse 1c hett sück darum nu een Alternative överleggt un ut köfft Kookjes un Slikeree Sneeikeerls un Keersen bastelt:

—————————————————————————————————————————————–

16. Dezember

Disse moie Pinguin hett Nahla ut de Klass 3c maakt. Passend to Wiehnachten hett he een rode Troddelmütz kregen.

—————————————————————————————————————————————–

15. Dezember

Bold nu is Wiehnachtstied
(Bald nun ist Weihnachtszeit, Platt van Elke Bontjer-Dobertin)

Bold nu is Wiehnachtstied, de bliede Tied!
Denn is de Wiehnachtsmann seker nich wied,
denn is de Wiehnachtsmann seker nich wied.

Hör am, de Oll, de kloppt buten an d‘ Döör.
Mit sien lütt Peerdje steiht he nu d’r vöör,
mit sien lütt Peerdje steiht he nu d’r vöör.

Legg ik dat Peerdje wat Heu vöör uns Huus,
packt de oll Ruprecht de Sack vöör uns ut,
packt de oll Ruprecht de Sack vöör uns ut.

Pepernööt, Appelkes, Mandeln, Korinth‘,
all dit un mehr gifft he, de leev west sünd,
all dit un mehr gifft he, de leev west sünd.

Bald nun ist Weihnachtszeit

Bald nun ist Weihnachtszeit, fröhliche Zeit;
Nun ist der Weihnachtsmann gar nicht mehr weit.
Nun ist der Weihnachtsmann gar nicht mehr weit!

Horch nur, der Alte klopft draußen ans Tor!
Mit seinem Schimmelchen steht er davor.
Mit seinem Schimmelchen steht er davor.

Leg ich dem Schimmelchen Heu vor das Haus,
Packt gleich der Ruprecht den großen Sack aus.
Packt gleich der Ruprecht den großen Sack aus.

Pfeffernüss, Äpfelchen, Mandeln, Korinth,
Alles das bringt er dem artigem Kind.
Alles das bringt er dem artigen Kind.

—————————————————————————————————————————————–

14. Dezember

Hebben ji all Kookjes backt?
Dat is sooo spietelk, dat wi dat in disse Jahr in de School weer neet düren. Ohn Corona weer dat immer heel lüstig, wenn wi mitnanner in de School-Köken backen un dekoreert hebben.

Hier een eenfach Rezept to namaken:

Wiehnachtskookjes to’n Utsteeken
240g weke Botter
150g Zucker 1 Ei
500g Mehl
Vanilljezucker

Eerst Zucker un Botter röhren. Daarna dat Ei un de Vanillje bito geven. An d‘ Enn all mit dat Mehl misken un kneden.

De Deeg mutt denn een Stünn in d‘ Köhlskapp.
Denn (ennelk) können ji de Kookjes utsteeken un bi 160°C för 13-15 Minüten backen.

—————————————————————————————————————————————–

13. Dezember

Weten ji noch – Deel 2

—————————————————————————————————————————————–

12. Dezember

Weten ji noch – Deel 1

—————————————————————————————————————————————–

11. Dezember

Jedereen keent Rudolf, dat Rendeer van de Wiehnachtsmann.
He treckt de Sleei van de Wiehnachtsmann, kann flegen un mit sien rode Nöös Lücht in de Düsternis brengen.

Dat is de plattdütske Version van „Rudolph, the red-nosed reindeer“

Rudolf Rodenöös

Kennst du dat Leed van Rudolf,
Rudolf mit de rode Snuut?
He weer een olle Rendeer
un seeg recht wat arig ut.

Un all de anner Rendeers
lachten Rudolf fix wat ut.
Rudolf de schaamt sük düchtig
over siene rode Snuut.

In een düster Winternacht
bölkt de Wiehnachtsmann:
„Ik finn hier neet Padd un Weg,
Rudolf, help mi mit dien Lücht!“

Un du kannst mi dat glöven,
Rudolfs Nöös lücht hell un klaar.
Dank de rode Nösen:
so wurrn Wiehnachtsdrömen wohr!
(Horst Hopp)

—————————————————————————————————————————————–

10. Dezember

Hebben ji denn all de Wiehnachtsboom up uns Schoolhoff sehn?
Einige Klassen hebben all flietig Schmuck för de Wiehnachtsboom bastelt.

—————————————————————————————————————————————–

9. Dezember

Lüttje Jan telefoneert mit de Wiehnachtsmann

Hallo! Hallo Wiehnachtsmann!
Büst du dor? Ja, hier is Jan.
Och, ik wull man evkes fragen:
Bruukst du Hülp bi ‚t Sackendragen?

Moder sä, in disse Jahr
kwammst du nich mehr. Is dat wahr?
Vader sä, du kunnst nich lopen,
he wull sülvens man wat kopen.

Wiehnachtsmann, nee, dar was naar;
lehn doch Vaders neje Kaar.
Of sall di uns Eilert halen?
Vader kann ‚t Benzin betahlen.

Un dien Peerd? Dat blifft in d‘ Stall
Wat dat geiht nich? Dat word mall?
Mag kien Autos un Getucker?
Hett all Sinn an Kohl un Zucker?

Ja, wat maakt wi denn? O, weh –
Wat seggst du? Dat kummt up Stee?
Och, wat bün ik nu weer bliede.
Wiehnachtsmann, kumm bold – un riede!
(Greta Schoon)

—————————————————————————————————————————————–

8. Dezember

Is dat uns Wilje Wichtel – of is dat sien Fründ?

De Kinner ut de Klass 1c hebben Wichtels bastelt. Seegt de neet nümig ut?

—————————————————————————————————————————————–

7. Dezember

Sünnerklaas
(Johann Beyer)

Nu kiek, wat is de Hemel so rood!
Dat sünd de Engels, de backen dat Brood,
de backen de Wiehnachtsmann sien Stuten,
för all de lüttje Leckersnuten.

Wat de Engels backt hebben,
dat musst du probeeren,
un smeckt di dat good,
so höör’n se dat geern.

Un de Wiehnachtsmann smüstert: „Nu backt man mehr!“
Och, wenn dat doch eerst Wiehnachten weer!

—————————————————————————————————————————————–

6. Dezember

Sünnerklaas

Vandag hett Froo Kalkwarf in all Klassen de Wiehnachtsmannlü ut Zuckerlaa verdeelt, de uns Wilje Wichtel vannacht vöörbi bracht hett.

Roode Jack, Troddelmütz – Froo Kalkwarf lett haast as een Wiehnachtsfroo.

—————————————————————————————————————————————–

5. Dezember

Niklaas

In de Winternacht ganz laat;
wenn dor nüms mehr is up Straat,
wenn blot waak sünd Steern un Maan;
kummt ool Niklaas antogaan.

Huus bi Huus trufft he henlank.
Un vun jede Finsterbank
is’t as röpen Kinnerschoh:
Niklaas, schenk us wat! Man to!

Niklaas nimmt den sworen Sack
sik bedächtig vun de Nack,
haalt dor Appels rut un Nöt,
all den Snöckerkraam so sööt.

Mörgens, eh’r de Hahn noch kreiht,
jucht de Kinner al vör Freid:
„Kiek, den Wiehnachtsmann sien Knecht
hatt mi wat in Schoh rin leggt!“

(Carl Budich)

—————————————————————————————————————————————–

3. Dezember

Ik frei mi so


Ik frei mi so, ik frei mi so
up Wiehnachten mit Marzipan,
Spöölgood, Keersen, Dannenboom.
Och wull de Tied daarhen doch gau vergahn! […]

Adventskalenner, Sünnerklaas,
Theaterkieken, Wiehnachtsspaaß;
in Huus allen maal Kookjes backen,
well helpt mi bi’t Nöten knacken?

(Jan Cornelius)

Auch in diesem Jahr hängt er wieder an den Fenstern: Unser selbstgemalter Schul-Adventskalender. Leider können auch in diesem Jahr nicht alle Schüler die Bilder in den Pausen anschauen, denn immer noch haben wir getrennte Pausenhöfe für die verschiedenen Jahrgänge.

—————————————————————————————————————————————–

2. Dezember

De sülvern Steern
Vör de Döör, kiek doch mal hier,
leeg en Steern ut blanke Sülverpapier.
He leeg op de Trapp, weer meist verswunnen,
ik hebb hum vanmörgens eerst funnen.
Well hett hum verlorn, de Wiehnachtsmann?
Dat hett so ruschelt vannacht in’t Huus.

(Marianne Ehlers)

funnen up: https://www.shz.de/regionales/themen/so-spricht-schleswig-holstein/vun-poppen-un-steerns-id291908.html

Auf Hochdeutsch kennt ihr das Gedicht bestimmt schon. Vielleicht musstet ihr das in den letzten Schuljahren schon einmal auswendig lernen?

Im Advent
Einen glänzenden Stern aus Silberpapier
fand ich heut Morgen vor unserer Tür.
Er lag auf der Treppe, ein bisschen versteckt,
hab ihn beim Brötchenholen entdeckt.
Bestimmt verlor ihn der Nikolaus.
Es knisterte heute Nacht so im Haus.

(Lisa-Marie Blum)

—————————————————————————————————————————————–

1. Dezember

Nu geiht dat weer los!
Advent.
De Wiehnachtstied is daar: Dannengröön, Keersen, Wiehnachtsbastelee un villicht ok Wiehnachtsbackeree, roode Troddelmützen, Ies un Snei …villicht gifft dat disse Jahr witte Wiehnachten – well kann dat denn nu all weten.

Wi wünsken all de Schölers van uns School, de Familien un Frünnen een wunner-moien Adventstied.

—————————————————————————————————————————————–

Ok in 2021 gifft dat weer een Adventskalenner up platt van de Regionale Landesamt für Schule und Bildung. Kiekt doch mal rin:

https://calendar.myadvent.net/?id=5a47f7bc51284ae16922a54bb6642aaf

—————————————————————————————————————————————–