De Adventstied is wunnerbar, aver dat gifft Daag, da is dat buten eenfach to koold. Denn is een hitten Kinnerpunsch jüst dat Richtige! Dortau bruukt wi:

1 Appelsin
1 Zitroon
1 Stang Zimt
6 Nelken
¾ l Appelsaft
Twee Bütel Früchtetee (wat ji an leevsten möögt)
¾ l Water
villicht een beten Sucker

Toerst kaakt wi de Tee in dat Water in een grooden Pott. Denn gifft wi de Appelsaft dortau und leggt de Krüüder rin. Dorna presst wi de Appelsin un de Zitroon ut un kippt ehr Saft in de Punsch. Toletzt laat wi dat allet nochmal upkaken und een paar Minuten stahn. Villicht noch een beten Sucker dortau – fardig! Veel Spaß un verbrennt jik nich de Snuten!

Een schönen tweeten Advent wünscht
de Plattdüütsch-AG