20. Dezember – de leste Schooldag!
19. Dezember
Un de Engel see:
Weest neet bang!
ik do jo groot Freid kunt,
de över jo Volk kummt.
Denn jo is vandaag de Heiland geboren
dat is Christus, de Herr ut de Stadt Davids.
(Lukas 2, 10+11)
18. Dezember
1. Steern över Bethlehem, wies uns de Weg,
liek na de Krüpp daar hen, so is uns seggt!
Stüür du een Lücht voran, bit wi daar sünd.
Steern över Bethlehem, wies uns dat Kind!
2. Steern över Bethlehem, nu bliffst du stahn,
lettst uns dat Wunner sehn, büst mit uns gahn.
Wat daar passeert is, nüms harr dat docht,
Steern över Bethlehem, in disse Nacht.
3. Steern över Bethlehem, nu sünd wi daar.
Kiek, disse arme Stall, daar word dat wahr:
Wi finnen Gott sien Söhn un beden an,
Steern över Bethlehem, du schienst vöran!
(plattdt. Text: Imke Schwarz)
17. Dezember
Wienachten
Wienachten,
dat is neet
de Mann
met de gries Baart,
de mit de Finger
up di wiest,
de di wahrschoet.
Wienachten,
dat is
dat Kijd
in de Krüpp,
dat sien Armkes
utstreckt
un seggt
Kumm!
16. Dezember
Wiehnachtslücht
Waar Wiehnachtslücht brannt,
worden de Dagen so still ….
un de Alldag is neet mehr so luut.
Waar Wiehnachtslücht brannt,
worden de Dagen so hell ….
un de Alldag is neet mehr so gries.
Waar Wiehnachtslücht brannt,
worden de Dagen so warm ….
un de Alldag is neet mehr so kold
Waar Wiehnachtslücht brannt,
wasst in de Harten de Leev ….
un de Glowen an Freeden op Eer!
(Hans Hansen Palmus) (4)
15. Dezember – 3. Advent –
Stille Nacht
Stille Nacht, hillige Nacht!
Allens slöppt, waak is sacht
blots dat trulich hoochhillige Paar.
O leev Christkind mit lockige Haar,
slaap in himmlische Roh,
slaap in himmlische Roh.
Stille Nacht, hillige Nacht!
Harders höörn as eerst’ de Pracht;
dör de Engel Halleluja
töönt dat luut nu van wieder un nah:
Christ, de Retter, is dor,
Christ, de Retter, is dor.
Stille Nacht, hillige Nacht!
Gott sien Söhn, o wat lacht
Leev ut dienen göttlichen Mund,
giff de Tiet för de Rettung uns kund,
Christ, dör diene Geburt,
Christ, dör diene Geburt.
(Plattdüütsk: Hans-Georg Peters)
(3)
14. Dezember
W – Wintertied
I – Ies un Sneei
E – Engelkes singen
H – Hallelujah
N – Na Bethlehem geih’t hen
A – s’ Avends of midden in de Nacht
C – Christkindje kummt
H – Herders up dat Feld
T – Troo Königen folgen de Steern
E – Esel un Ossen
N – Nöten un Krinthen
13. Dezember
Wunskzedel
Wat wünskt du di to Wiehnachten?
Spöltüüg? Boken? Kleer? Viellicht en Fahrrad?
Wat giffst du dien Ollen of Süsters of Brörs to Wiehnachten?
12. Dezember
Witte Wiehnachten?!
Fehlt di ok Sneei för de rechte Wiehnachts-Luun?
Denn klüter mit uns dien egen Sneeikeerl.
Du bruukst en Glas, Botterbroodpapier un Kliester, Resten van swart un geelrood Papier för de Ogen un de Nöös.
k
11. Dezember
Sing mit uns!
Bold is all Wiehnachtstied (Bald schon ist Weihnachtszeit)
Bald is all Wiehnachtstied, lüstige Tied,
nu is de Wiehnachtsmann gaar neet mehr wied.
Lüster mal, he kloppt all buten an d’ Döör,
mit sien mooi Schimmelke, steiht he daarvör.
Legg ik för’t Schimmelke Hei vör dat Huus,
packt gliek Knecht Ruprecht de grote Sack ut.
Pepernööt, Appelkes, Mandels un Krinth,
alles dat hett he för’t leeve Kind.
k
10. Dezember
Mörgen kummt de Wiehnachtsmann
9. Dezember
Lüttje Jan telefoneert mit de Wiehnachtsmann
Hallo! Hallo! Wiehnachtsmann!
Büst du daar? Ja, hier is Jan.
Och, ik wull man evkes fragen,
bruukst du Hülp bi `t Sackendragen?
Moder see, in disse Jahr
kwammst du nich mehr. Is dat wahr?
Vader see, du kunnst neet lopen,
he wull sülvens man wat kopen.
Wiehnachtsmann, nee, dat was naar!
Lehn doch Vaders neje Kaar!
Of sall di uns Eilert halen?
Vader kann ´t Benzin betahlen.
Un dien Peerd? Dat blifft in d’ Stall.
Wat, dat geiht neet? Dat word mall?
Hett al Sinn an Kohl un Zucker?
Magg kien Autos mit Getucker?
Ja, wat maakt wi dann? Oh weh!…
Wat seggst du? Dat kummt up Stee?
Och, wat bün ik nu weer bliede!
Wiehnachtsmann, kumm bold un riede!
(Greta Schoon)
k
8. Dezember – 2. Advent –
Rezept för Wiehnachtskookjes
Du bruukst:
– 250g Mehl
– 90g Zucker
– 125g kolle Botter
– 1 Ei
Geev Mehl, Zucker, Botter un dat Ei in en Kumm un knuudje dat, so dat dat en mojen Deeg wordt. Du kannst dat mit en Maschien of mit dien Hannen maken.
De Deeg mutt denn för tominnst 30 Minüten in de Köhlschapp.
Denn rullst du de Deeg up un steckst dien Kookjes ut: Steerns, Dannenbomen, Hartjes,…
De Kookjes kommen up dat Blick un för 10-12 Minüten bi 175°C in de Backovend.
De klaar Kookjes kannst du mit smulten Zuckerlaa of bunte Zuckerparrels mooimaken.
k
7.Dezember
In uns Schoolköken wordt weer backen – dat maakt Spaaß, ruckt good un smeckt noch beter!
k
k
6. Dezember
Sünnerklaas
Sünnerklaas, ik mag di beden,
gah neet an uns’ Huus vörbi;
Gröönkohl liggt al up uns’ Teller
van mien Süster un van mi!
Vader seggt, du kannst neet komen,
wiel du harst van’t Jahr keen Geld!
Man uns’ Moder lachte bliede:
Sünnerklaas hört d’ hele Welt!
Vööl bruukt dat ja heelneet wesen,
’n bietje maak uns ok al blied;
sünd ja noch so völe Kinner
up dien Weg so groot un wiet!
Unse Huus hett Nummer twalven!
Sünnerklaas, weest dat ok noch?
Un wi hebben moje sungen,
Sünnerklaas dat freit di doch!
(Karl Böke) (2)
k
5. Dezember
Kiek ins, wat is de Himmel so rood!
Dat sünd de Engels, se backen dat Brood.
Se backen de Wiehnachtsmann sien Stuten
vör all de lüttje Leckersnuten.
Nu flink de Tellers unner dat Bedd,
un leggt jo hen un weest recht nett!
De Sünnerklaas steiht vör de Döör;
de Wiehnachtsmann, de schickt hum her.
Wat de Engels backt hebben, dat sall’n ji probeeren,
un smeckt jo dat good, so hör’n se dat geern,
un de Wiehnachtsmann smüstert: „Nu backt man mehr!“
Och, wenn’t doch man eerst Wiehnachten weer!
Neet vergeten, mörgen is Sünnerklaas – daarum sett man all jo Troddelmützen up de Kopp!
k
4. Dezember
Vandaag kriegen ji enige Wiehnachtsworden to weten:
de Steern = der Stern
de Kugel = die Kugel
dat Engelke = der Engel
de Troddelmütz = die Weihnachtsmütze
de Dannenboom = der Tannenbaum
de Slickstang = die Zuckerstange
de Schlittschoh of (noch beter) de Schöfel = der Schlittschuh
k
3. Dezember
O Dannenboom, o Dannenboom
(O Tannenbaum)
O Dannenboom, o Dannenboom,
wo gröön sünd diene Bladen!
Du gröönst nich bloot, in d’ Sömmertied.
Nee, ok in d’ Winter, wenn dat sneeit.
O Dannenboom, o Dannenboom,
wo gröön sünd diene Bladen!
Uns Dannenboom steiht disse Jahr in de Aula. Maandag s’Mörgens treffen sük all Minsken van de School hier un musizeren mitnanner.
k
2. Dezember
Wiehnachtstied
Nu hebben wi weer Wiehnachtstied
un freien uns op dat Fest.
Dat is noch een paar Weken wied,
doch van dat Jahr dat Best!
Ut Zuckerlaa de Wiehnachtsmann,
vööl Dannengröön un Engelshaar,
de lachen di överall all an.
Nu is bald Hilligabend daar.
(unbekannt)(1)
k
1. Dezember – 1. Advent –
Nu is dat endlich weer so wied: Wiehnachten kummt! Vandaag düren wi de eerste Döör van de Adventsklenner open maken. Als elke Jahr hebben wi uns Klenner in de Fensters hangen.
De Texten hebben wi sülvst schreven of funnen (un umschreven in ostfreeske Platt) bi:
1 winter-wonderland.de (2. Dezember)
2 leer.de (6. Dezember)
3 plattpartu.de (15. Dezember)
4 oldenburgische-landschaft.de (16. Dezember)
