23. Dezember
22. Dezember
Wiehnachten is buten
(Marianne Ehlers)
Kiek, Wiehnachten is dor!
Dat is di doch kloor?
Wat bün ik tofreden
mit mien ne’en Sleden.
Ik freu mi so dull,
mien Hart is ganz vull.
21. Dezember
De Klassen 1d un 3c hebben in de Religionsunnericht de Wiehnachtsgeschicht hört un de Schüür van Maria, Josef un dat Christkindje bastelt. In de 1. Klass hebben de Kinner de Figuren up Papier anmalt, utsneden un up Klopapierrullen kleevt. De Schüür is en ollen Schohkarton. In de 3. Klass is en Eierkarton anmalt worden. Maria un Josef sünd ut Dannappels un Filt.
20. Dezember
De Herders gungen na Bethlehem un funnen Maria un Josef un dat Kind in de Krübb, so als de Engel hör dat vertellt harr. Se gungen los un vertellden alle Minsken, wat de Engel hör över disse Kind seggt hett.
19. Dezember
Un denn weer daar en grote Chor van Engelkes, de sungen all mitnanner: „Wi loven un priesen uns Gott! Free för alle Minsken up de Welt!“ Als de Engels verswunnen weren, daar moken sük de Herders up de Padd na Bethlehem, um dat Kind to finnen.
18. Dezember
Dichtbi weren in disse Nacht Herders up dat Feld, de up de Schapen uppassen deen. Tomaal weer Gott sien Engel up dat Feld bi de Herders. De verfehrden sük düchtig, man de Engel see: “Weest neet bang! Ik breng jo en goode Naricht. All Lüü sallen dat to weten kriegen: Vandag is de Heiland Jesus Christus geboren. Ji finnen dat Kind in Bethlehem in en Krübb.“
17. Dezember
As se ankommen weren, geev dat keen Kamer mehr för de beiden. Se mussen in en Schüür unnerkrupen. Daar kweem denn ok hör Kind up de Welt. Dat was en lüttje Jung. Se leggden hum in en Krübb, wiel se anners keen Bedd harren.
16. Dezember
De Wiehnachtsgeschicht ut de Bibel
In disse Tied kwam en Gesetz van de Kaiser Augustus rut, dat jeder sük in Listen indragen sull. Nu moken sük all Lüü up de Padd na her Heimatstadt. Ok Josef ut Galiläa gung na sien Heimatstadt, dat weer Bethlehem. Mit hum gung sien Froo Maria, se sull bold en Kind kriegen.
15. Dezember
Ok in de Mensa is dat wiehnachtlich. Kiekt an, wo mooi de Tafels deckt sünd! Sünnerklaas un Wiehnachtsmann hebben hier seker hulpen – of waar kommen de Kookjes her?
14. Dezember
Kiek, wat is de Himmel so rood
Kiek, wat is de Himmel so rood,
dat sünd de Engels, de backen dat Brood,
de backen de Wiehnachtsmann sien Stuten,
för all de lüttjen Leckersnuten.
Nu flink de Teller unner dat Bett,
un leggt jo hen und weest recht nett.
De Sünnerklaas steit för de Dör,
de Wiehnachtsmann de stüürt hum her.
Wat de Engels backt hebben, dat sallen ji probeern
un schmeckt jo dat good, denn hören se dat gern
un de Wiehnachtsmann smüstert: „Nu backt man mehr!“
Ach, wenn ‘t man eerst Wiehnachten weer
13. Dezember
Winter-Künst
12. Dezember
Heemlichen Kraam
(Otto Tenne)
Vader kloppt un hamert, püttjert jedeen Dag.
Moder neiht un sniedert – wat dat woll warrn mag?
Höör – de Jung seggt liesen sien lütt Riemsel her,
un de Deern, de snitt wat torecht ut Buntpapeer.
Wenn mal een wat tuschelt, is’t man ‘n Ogenblick –
jeder hett wat Heemlichs, jedereen för sük.
Ruprecht kiekt dör’t Fenster, höögt sük buten mit –
schrifft wat in’t Notizbook, dat he nix vergitt.
11. Dezember
Stevels smieten
De Wiehnachtsfier van de Klasse 3b hett verleden Freedag stattfunnen. Se hebben Stevels smeten un daarna in de School war warms eten un drunken. Uplest kwam sogar noch de Wiehnachtsmann!
10. Dezember
De Hampelmann
(Volksgoot)
Leev Wiehnachtsmann, ik roop di an:
Brengst du mi een Hampelmann
mit bunte Been un bunte Hann‘n?
Un treck ik an dat Tüdelband,
denn geiht he op, denn geiht he daal.
Och, Wiehnachtsmann, de breng mi maal.
09. Dezember
Troddelmützen
Middeweek weer Troddelmützendag. Dat hett uns Schöler-Parlament ok in disse Jahr weer good plant.
08. Dezember
Sneei
Een un twee un dree,
sacht fallt nu de Sneei.
All‘ns word witt un kolt,
Bomen stahn stief un olt
mang de witte Sneei.
Een und twee un dree.
Een un twee un dree,
allens witt voll Sneei.
Wenn‘t bloot Zucker weer,
denn eet ik de Straat futt leer.
Weg weer all de Sneei.
Een un twee un dree.
07. Dezember
Lüttje jan telefoneert mit de Wiehnachtsmann
(Greta Schoon)
Hallo? Hallo! Wiehnachtsmann!
Büst du daar? Ja, hier is Jan.
Och, ik wull man evkes fragen,
bruukst du Hülp bi’t Sackendragen?
Moder see, in disse Jahr,
kwammst du nich mehr. Is dat wahr?
Vader see, du kunnst neet lopen,
he wull sülvens man wat kopen.
Wiehnachtsmann, nee, dat was naar!
Lehn doch Vaders neje Kaar!
Of sall di uns Eilert halen?
Vader kann ‘t Benzin betahlen.
un dien Peerd? Dat blifft in d’t Stall.
Wat, dat geiht neet? dat wordt mall?
Hett all Sinn an Kohl un Zucker?
Mag kien Autos mit Getucker?
Ja, wat maakt wi dann? Oh weh….
Wat seggst du? Dat kummt up Stee?
Och, wat bün ik nu weer bliede!
Wiehnachtsmann kumm bold – un riede!
06. Dezember
Sünnerklaas
Sünnerklaas hett dar west! Een groten Sack mit Zuckerlaa hett Sünnerklaas bi uns in de School „vergeten“. Vandaag hebben wi mit allen Klassen an de Wiehnachtsboom sungen. Froo Kalkwarf hett denn de Zuckerlaa-Nikolaus an de Kinner verdeelt.
05. Dezember
Sücht de Wiehnachtsboom up de Schoolhoff mit de Sneei up de Tacken neet besünners mooi ut? Sneei! Wi freien uns düchtig
04. Dezember
In de Wiehnachtsbackeree
Dat ruukt so good in de School – de Klassen backen nu weer Kookjes.
125g Botter
200g Mehl
100g Zucker
Vanillezucker
1 Ei
Backovend up 160°C instellen un los geiht dat!
03. Dezember
1. Advent
Advent, Advent een Lüchtje brannt.
Eerst een, denn twee, denn dree, denn veer,
denn steiht dat Christkindje vör de Döör.
02. Dezember
Wiehnachtsschmuck
Stevel – Stiefel
Steern – Stern
Sneei – Schnee
Dannenboom – Tannenbaum
Hart – Herz
Schlittschoh/ Schöfel – Schlittschuh
Kugel – Kugel
01. Dezember
Nu fangt de Dezember an
Ok disse Jahr gifft dat weer de grote Adventskalenner in de Fensters van de School.
Wi maaken vandaag de eerste Döör (of dat eerste Bild) open.
